Ministr zamiežnych spraŭ Litvy: Biełaruś nie pavinna ciešyć siabie nadziejaj na prodaž elektraenierhii ź niebiaśpiečnaj stancyi
Ministr zamiežnych spraŭ Litvy Linas Linkiavičus prakamientavaŭ vykazvańnie Alaksandra Łukašenki. I jašče raz ahučyŭ patrabavańnie da biełaruskaha boku — zabiaśpiečyć biaśpieku jadziernaha abjekta, paviedamlaje Delfi.lt sa spasyłkaj na BNS.
Ministr zamiežnych spraŭ Litvy Linas Linkiavičus. Fota DELFI.
«Biełaruś, jakaja parušaje asnoŭnyja mižnarodnyja patrabavańni, nie budzie mieć davieru i nie pavinna ciešyć siabie nadziejaj na prodaž elektraenierhii ź niebiaśpiečnaj atamnaj elektrastancyi»,— skazaŭ 5 žniŭnia Linkiavičus.
Pavodle jaho słoŭ, davier moža pavialičyć nahlad za abjektam z boku niezaležnych ekśpiertaŭ.
Linkiavičus adznačyŭ, što vykazanyja Litvoj pretenzii adlustroŭvajuć imknieńnie zabiaśpiečyć biaśpieku abjekta, jaki budujecca ŭ 50 km ad Vilni.
Pa śćviardžeńni ministra, u Litvy zaniepakojenaść vyklikajuć zakliki pabudavać stancyju jak maha chutčej i tańniej, a taksama paviedamleńni ab kradziažach budmateryjałaŭ.
Dyskusii pra biaśpieku BiełAES adnavilisia paśla incydentu z korpusam reaktara.