U Iranie pakarali śmierciu fizika-jadzierščyka, jaki viarnuŭsia z ZŠA
Iranski fizik-jadzierščyk Šachram Amiry, jaki žyŭ u ZŠA paśla chadžu ŭ Mieku, pakarany śmierciu ŭ Tehieranie. Pra heta paviedamlaje siamja navukoŭca.
AFP
Jak śćviardžajuć svajaki niabožčyka, iranskija ŭłady vydali im cieła sa śladami viaroŭki na šyi.
Fizik 1977 hoda naradžeńnia vyjechaŭ u Mieku ŭ 2009 hodzie na tradycyjnaje musulmanskaje pałomnictva. Potym jon źnik i źjaviŭsia ŭ ZŠA, dzie jaho nibyta siłaj utrymlivała CRU.
ZŠA kateharyčna admaŭlali dačynieńnie da vykradańnia navukoŭca, adnak u sakaviku 2010 hoda telekanał ABC News paviedamiŭ, što Amiry źbieh na Zachad i dapamahaje CRU ŭ zbory infarmacyi ab jadziernaj prahramie Irana.
Paśla źniknieńnia Amiry Iran abvinavaciŭ ułady Saudaŭskaj Aravii ŭ tym, što tyja zatrymali fizika i vydali jaho Złučanym Štatam. Iranskija ŭłady admaŭlajuć śćvierdžańni amierykanskich i saudaŭskich navukoŭcaŭ pra toje, što Amiry moh prosta vyrašyć nie viartacca ŭ Iran. Vašynhton, u svaju čarhu, zajaŭlaŭ, što jamu ničoha nie viadoma pra Amiry.
U tym ža 2010 hodzie fizik viarnuŭsia ŭ Iran, dzie jaho sustreli jak hieroja.
Adnak zatym amierykanski Bieły dom paviedamiŭ, što navukoviec samavolna źbieh u ZŠA i pieradaŭ Vašynhtonu važnuju infarmacyju.
Jak paviedamiła jaho siamja, Amir trapiŭ u turmu ŭ Tehieranie na praciahły termin.