Kanalizacyjny kalektar pa kaściach
Budaŭničyja raboty na miescy byłych vajskovych mohiłak na Staravilenskim trakcie ŭ Miensku byli prypynieny paśla ŭmiašańnia hramadzkaści j pasolstva Rasiei.
Prakładka kanalizacyjnaha kalektara ŭ rajonie Staravilenskaha traktu ŭ Miensku (na miescy byłoha Staražoŭskaha rynku), dzie znachodziacca vajskovyja mohiłki časoŭ Pieršaj suśvietnaj vajny, prypyniena paśla ŭmiašańnia hramadzkaści.
Jak paviedamiŭ BiełaPAN staršynia hramadzkaha abjadnańnia «Biełaruskaje dobraachvotnaje tavarystva achovy pomnikaŭ historyi i kultury» Anton Astapovič, raboty na miescy raźmiaščeńnia mohiłak pačalisia ranicaj 30 traŭnia.
«Hetyja mohiłki źjaŭlajucca historyka‑kulturnaj kaštoŭnaściu druhoj katehoryi. Tut pachavana bolš za 5 tysiač čałaviek, u asnoŭnym u brackich mahiłach. Heta biežancy i rasiejskija sałdaty, jakija ŭ pačatku minułaha stahodździa pamirali ŭ špitalach Miensku. Jak vyśvietliłasia, Ministerstva kultury svaim rašeńniem ad 26 traŭnia sankcyjanavała tut raskopki dla prakładki kalektaru», — paviedamiŭ A.Astapovič.
Pavodle jaho słoŭ, z dapamohaj techniki budaŭniki dastavali ź ziamli čałaviečyja kostki, pakavali ich u pakiety j advozili ŭ nieviadomym napramku.
«Ciapier raskopki ŭdałosia prypynić. Heta adbyłosia dziakujučy tamu, što člen Savietu našaj arhanizacyi Uładzimier Dzianisaŭ zmoh źviazacca z vajennym ataše pasolstva Rasiejskaj Federacyi ŭ Miensku. Pasolstva adreahavała taksama vielmi aperatyŭna i nakiravała zapyt u Saviet biaśpieki Biełarusi, paśla čaho pa rasparadžeńni Savietu biaśpieki raboty byli spynieny», — paviedamiŭ A.Astapovič.