Pjany kiroŭca naŭmysna źbiŭ baćku z małym synam
Pjany biespracoŭny žychar Homiela ŭviečary 27 traŭnia ŭ chodzie kanfliktu, jaki ŭźnik ź piešachodami, naŭmysna ŭčyniŭ najezd na aŭtamašynie «Tajota‑Karoła» na mužčynu, jaki nios na plačach trochhadovaha syna.
Pjany biespracoŭny žychar Homiela ŭviečary 27 traŭnia ŭ chodzie kanfliktu, jaki ŭźnik ź piešachodami, naŭmysna ŭčyniŭ najezd na aŭtamašynie «Tajota‑Karoła» na mužčynu, jaki nios na plačach trochhadovaha syna. Pra heta paviedamili ŭ adździaleńni infarmacyi i hramadzkich suviaziaŭ pry UUS Homielskaha abłvykankamu.
Abodva paciarpiełyja zastalisia žyvymi. Dzicia i mužčyna ź ciažkimi i mienš ciažkimi cialesnymi paškodžańniami adpaviedna byli dastaŭleny ŭ lačebnuju ŭstanovu.
Cikava, što vadziciel u 2007 hodzie byŭ pazbaŭleny vadzicielskaha paśviedčańnia na 3 hady.
Prakuraturaj Centralnaha rajonu Homiela ŭzbudžana kryminalnaja sprava.
Za naŭmysnaje naniasieńnie ciažkaha cialesnaha paškodžańnia praduhledžana pakarańnie ŭ vyhladzie pazbaŭleńnia voli na termin ad piaci da dziesiaci hadoŭ.