Sidorski: MAZ nie pradajecca
Biełaruś nia maje namieru pradavać aktyvy najbujniejšych pramysłovych pradpryjemstvaŭ. Pra heta zajaviŭ premjer‑ministar Siarhiej Sidorski.
Siarhiej Sidorski |
Biełaruś nia maje namieru pradavać aktyvy najbujniejšych pramysłovych pradpryjemstvaŭ. Pra heta zajaviŭ 30 traŭnia žurnalistam premjer‑ministar Siarhiej Sidorski.
Jon adznačyŭ, što ŭsie prapanovy i prajekty zamiežnych investaraŭ pa sumiesnaj rabocie ź biełaruskimi pradpryjemstvami — MAZam, BMZ, «Naftanam», «Palimiram» — ciapier prachodziać ekspertyzu.
Pavodle słoŭ premjer‑ministra, my nia majem namieru realizoŭvać aktyvy MAZa. Razmova idzie ab ŭvachodžańni ŭ karparatyŭnuju strukturu kampanii «Ruskija mašyny», kab aktyvy MAZa aktyŭna pracavali na dziaržavu.
«Heta realnaja schiema, jakaja daść mahčymaść pracavać biełaruskim i rasiejskim partneram», — ličyć Siarhiej Sidorski.
Kiraŭnik uradu dadaŭ, što nia stavicca pytańnie pryvatyzacyi ŭsich pradpryjemstvaŭ. Zadača ŭ tym, kab kapitalizavać aktyvy i pracavać ź investarami. Premjer‑ministar paviedamiŭ, što ciapier iduć pierahavory z «Naftanam» i «Palimiram», u najbližejšy čas jany buduć zavieršany. Dziaržava vystupaje za vyhadnuju dla siabie realizacyju prajektaŭ na hetych pradpryjemstvach.
Pierahavory z zamiežnymi kampanijami pa MAZie taksama zavieršany, adznačyŭ Siarhiej Sidorski.