Ananič pra internet: «Ale jość vopyt Kitaju...»

Pieršaja namieśnica ministra infarmacyi Lilija Ananič u interviju časopisu «Biełaruskaja dumka» zajaviła, što viedamstva pryhladajecca da sposabaŭ rehulavańnia internetu ŭ krainie.

Pieršaja namieśnica ministra infarmacyi Lilija Ananič u interviju časopisu «Biełaruskaja dumka» zajaviła, što viedamstva vystupaje za rehistracyju internet-ŚMI. Pavodle jaje słovaŭ, dla zaprošvańnia i raspaŭsiudu infarmacyi, prysutnaści na pres-kanferencyjach sajty pavinny być zarehistravanyja ŭ aficyjnym paradku.

Jak kaža Ananič, siońnia ŭ krainie isnuje prablema dezinfarmacyjnych patokaŭ zamiežnych sajtaŭ, jakija staviać za metu destruktyŭna ŭpłyvać na pracesy, što adbyvajucca ŭ Biełarusi. «Ale jość vopyt Kitaju, jaki pierakryŭ dostup takich sajtaŭ na svaju terytoryju. I, kaniečnie, u pieršuju čarhu nieabchodny jakasny rost nacyjanalnaha internet-resursu, jaki pracuje na dabro krainy», — ličyć Ł.Ananič.

Letaś kiraŭnik dziaržavy Alaksandar Łukašenka, naviedvajučy redakcyju «Sovietskoj Biełoruśsii», zaklikaŭ zakanadaŭča vyznačyć status elektronnych ŚMI. ««Treba prymać zakon i prapisać u im status elektronnych ŚMI. Takaja praktyka jość ŭ mnohich dziaržavach. Anarchiju ŭ Internecie treba spyniać», — skazaŭ Łukašenka.

Kamientary da artykuła