Taryf na chrosny chod
Ułady Mahilovu patrabujuć ad arhanizataraŭ chresnaha chodu ŭ honar niabiesnaha zastupnika horadu, Śviatoha Antonija Paduanskaha apłaty pasłuhaŭ milicyi, kamunalnych słužbaŭ i medykaŭ.
Ułady Mahilovu patrabujuć ad arhanizataraŭ chresnaha chodu ŭ honar niabiesnaha zastupnika horadu, Śviatoha Antonija Paduanskaha apłaty pasłuhaŭ milicyi, kamunalnych słužbaŭ i medykaŭ. Sytuacyju kamentuje sakratar Mienskaha eparchijalnaha ŭpraŭleńnia Biełaruskaj pravasłaŭnaj carkvy Andrej Aležka:
«Chrosny chod dla luboha nasielenaha punktu heta, kaniečnie, padzieja. Časam jana źviazana i ź pierakryćciom ruchu na darohach, i z zachavańniem hramadzkaha paradku. I tamu my razumiejem kłopat uładaŭ, kab hetyja chrosnyja chady prachodzili ŭ miežach peŭnych razumnych praviłaŭ. I tamu my zaŭsiody ŭ Miensku, da prykładu, zahadzia paviedamlajem staličnym uładam, što my ŭ peŭny čas, pa peŭnym maršrucie planujem chrosny chod.
Prosim uzhadnić maršrut, kab chutkaja dapamoha prysutničała. My ličym, što ŭ bolšaści vypadkaŭ hetyja praviły majuć prava na isnavańnie. I bolš za toje, my sami zacikaŭlenyja, kab jany vykonvalisia. Što tyčycca apłaty, to ja takoha nia čuŭ. My nie apłačvajem pracu ni chutkaj dapamohi, ni milicyi, jakaja achoŭvaje hramadzki paradak. Jany atrymlivajuć ad dziaržavy zarobak i vykonvajuć svaju pracu. Tamu ja nia baču navat padstavaŭ, kab što‑niebudź apłačvać».