Čorny paniadziełak u Francyi
Pry sutyknieńni školnaha aŭtobusa i ciahnika ŭ francuskich Alpach zahinuli šaściora dziaciej.
Katastrofa zdaryłasia niepadalok ad miažy sa Švajcaryjaj la horadu Alanž u departamencie Ot‑Savua (Vierchniaja Savoja).
U vyniku incydentu paciarpieli minimum 30 čałaviek. Jany špitalizavanyja z traŭmami siaredniaj i ciažkoj stupieniaŭ.
Prezydent Francyi Nikala Sarkazi vykazaŭ spačuvańni ŭ suviazi z trahiedyjaj.
«Zaraz my ŭsie dumajem pra dziaciej i darosłych, pra tych, chto paciarpieŭ. My možam tolki spadziavacca, što kolkaść achviar budzie nievialikaj», ‑‑ skazaŭ francuski lider.
U školnym aŭtobusie, jaki prataraniŭ ciahnik, znachodzilisia 50 dziaciej i šaściora darosłych. Pavodle niekatorych źviestak, byli taksama paranienyja pasažyry ciahnika.
Paviedamlajecca, što šlahbaŭm na čyhunčnym pierajeździe pracavaŭ narmalna. Dzieci jechali adpačyvać na Ženieŭskaje voziera.