Siońnia — fołk-fest «Kamianica-2016»: poŭnaja prahrama
10 vieraśnia u Muziei narodnaj architektury i pobytu pad Minskam pry padtrymcy Banka BełVEB adbudziecca vośmy štohadovy fołk-fiestyval «Kamianica 2016». Uvachod budzie adčynieny z 12.00, mierapryjemstva praciahniecca z 13-j da 22-j hadziny.
Muzyka
Vystupy muzykaŭ buduć raźmierkavanyja pa ŭsioj prahramie. Ahułam u fiestyvali voźmuć udzieł bolš za 20 kalektyvaŭ i solnych artystaŭ, jakija vystupiać na dźviuch scenach i niekalkich dadatkovych placoŭkach. I heta nie ŭličvajučy inšych zabaŭ — sumavać nie budzie kali!
Muzyčnaja prahrama pačniecca ŭ 13.00. Pieršymi na hałoŭnuju scenu vyjduć fołk-ansambl «Vietach», etna-trya «Troica» i Palina Respublika. Paśla ich hledačoŭ čakajuć vystupy hurta «TaRuta» (Ukraina), śpiavački Iny Žałannaj (Rasija) i hurta Re1ikt. Finalnuju kropku pastavić etna-transavy kalektyŭ «Ole Łukojie» (Rasija).
Parallelna z hałoŭnaj budzie pracavać druhaja scena, dzie ŭ 14.40 viadomy ŭsim Miadźviedź Topa źjavicca na publicy razam z fołk-ansamblem «Miłavica». Taksama na joj vystupiać fołk-kalektyvy «Varhan», «Miareža» «Baraŭlanskaja krynička», «Javar», «Patrycyja Śvicina».
Akramia hetaha ŭ 14.00 u draŭlanaj carkvie ŭ centry muzieja narodnyja pieśni vykanaje fołk-kalektyŭ «Rada». U 15.00 kala kafe «Biełaruskaja karčma» tavarystva SET raspačnie pakaz aŭtentyčnaha biełaruskaha viasiella z adpaviednymi abradu pieśniami i tancami. A ŭ 18.00 usie hledačy fiestyvalu razam z prajektam «Śpieŭny schod» vykanajuć narodnuju pieśniu «Kupalinka».
Majstar-kłasy i zabavy
Z 13-j da 15-j hadziny budzie adbyvacca bolš za 10 majstar-kłasaŭ, padčas jakich možna budzie maksimalna blizka paznajomicca z narodnymi ramiostvami i navat niešta zrabić samim. Hledačoŭ čakaje hančarstva na kruzie i kieramika, aplikacyja z sałomki i kavalnaja sprava, placieńnie z łazy i malavańnie kalarovym piaskom, pradzieńnie i mylnyja burbałki, tekstylnaja lalka i tkactva na doščačkach, placieńnie pajasoŭ i čakanka maniet.
S 13 hadzin pačnuć svaju pracu i zabaŭlalnyja placoŭki: łučna-arbaletny cir i baraćba na pajasach, katańnie na koniach i poni, narodnyja tancy i paloty na hirapłanie, a taksama dziciačaja placoŭka ad Siamiejnaha centra Kaciaryny Kaŭrovaj, vystavy mastakoŭ Hanny Silivončyk, Vasila Pieškuna, Alesia Puškina, fatohrafaŭ Viktara Małyščyca i Alaksandra Ždanoviča.
***
Fiestyvalnaje charčavańnie ŭ tradycyjach biełaruskaj kuchni zabiaśpiečać vyjazdnyja kropki ad staličnych restaracyj «Kamianica», «Hraj», «Ahinski», a taksama pracujučaja na terytoryi muzieja «Biełaruskaja karčma».
Jak dajechac. Na asabistym aŭto ci rovary, a taksama na biaspłatnym fiestyvalnym aŭtobusie, jaki budzie kursiravać ad stancyi miatro «Malinaŭka» i nazad. Z 12.30 da 14.15 i z 18.45 da 23.00 intervał ruchu — 15 chvilin, z 14.15 da 18.45 — 30 chvilin.
Kvitki na fiestyval: darosłyja — 10 rubloŭ, studenty — 7 rubloŭ, školniki — 5 rubloŭ. Nabyć možna na ŭvachodzie, ale kab paźbiehnuć mahčymaj čarhi rekamiendujem nabyvać na sajtach i ŭ kasach Bycard, SMSbilet. Daškolniki i hledačy ŭ poŭnych viersijach nacyjanalnaha stroju (ad abutku da hałaŭnoha ŭbora) prachodziać biaspłatna.