«My stvorym nie 1 miljon pracoŭnych miescaŭ, a 1,5!»
U zaklučnych debatach kandydaty raskryvajuć prablemy adukacyi, raźvitvajucca z savieckim minułym i krytykujuć kaleh pa AHP za miljon pracoŭnych miescaŭ.
Prablemy sacyjalnaha raźvićcia Biełarusi stali hałoŭnaj temaj apošnich debataŭ kandydataŭ u deputaty, arhanizavanych telekanałam «Biełsat», sajtam Naviny.by i Jeŭraradyjo.
Adnym z centralnych pytańniaŭ stała sistema adukacyi, dastałasia škołam.
«U Biełarusi škoły pačali pieraŭtvaracca ŭ turmy, turmy dla dziaciej», — vykazaŭ mierkavańnie radykał Aleś Taŭstyka z Partyi BNF i padzialiŭsia svaim dośviedam udziełu ŭ baćkoŭskim kamitecie.
Razam z bresckim błohieram Siarhiejem Piatruchinym jany raskrytykavali i kandydatku z Abjadnanaj hramadzianskaj partyi Volhu Majoravu za prahramu «Miljon pracoŭnych miescaŭ», zajaviŭšy, što heta niemahčyma i niepatrebna.
«Vy majecie racyju, — paryravała Majorava. — My sapraŭdy stvorym nie 1 miljon pracoŭnych miescaŭ, a 1,5!»
Taksama ŭ debatach uziali ŭdzieł pradstaŭnik niezarehistravanaj partyi Biełaruskaja chryścijanskaja demakratyja Aleh Aksionaŭ i niezaležny kandydat z Kobryna Alaksandr Miech.