Nobiel u litaratury atrymaŭ Bob Dyłan
AP
Siońnia ŭ Stakholmie abviaścili imia nobieleŭskaha łaŭreata pa litaratury. Im staŭ amierykanski śpiavak i piśmieńnik Bob Dyłan.
Premija prysudžana z farmuloŭkaj «Za stvareńnie novaj paetyčnaj movy ŭ vialikaj amierykanskaj piesiennaj tradycyi».
Bob Dyłan (sapraŭdnaje imia Robiert Cymierman) naradziŭsia ŭ 1941 hodzie ŭ Dułucie (Miniesota). Jahonyja prodki pachodzili, u tym liku, z Rasijskaj impieryi.
Dyłan — suśvietna viadomy aŭtar-vykanaŭca, mastak, piśmieńnik i kinaakcior. Kultavaja postać u rok-muzycy.
Bob Dyłan pačaŭ muzyčnuju karjeru ŭ kancy 1950-ch i staŭ viadomy jak fołk-muzyka, jaki abapiraŭsia na tradycyjnuju amierykanskuju muzyku. U 1965 hodu Dyłan vypuściŭ pieršy elektryčny albom Bringing It All Back Home, jaki spačatku vyklikaŭ pratesty ŭ jaho prychilnikaŭ, ale paśla staŭ pryznanaj kłasikaj.
Pa viersii časopisa Rolling Stone, Bob Dyłan zajmaje druhoje miesca ŭ śpisie samych upłyvovych vykanaŭcaŭ u historyi muzyki.
Bob Dyłan upieršyniu vyjšaŭ na scenu ŭ 1961 hodzie ŭ kaviarni «Haźnica» ŭ ńju-jorkskim kvartale Hrynvič-Vilidž.
Jon pačynaŭ svaju karjeru z vykanańnia narodnych pieśniaŭ i tvoraŭ Vudzi Hatry. Za dva hady Dyłan stanie suśvietnaha maštabu zorkaj fołk-muzyki, a praz čatyry — pieravynajdzie rok-muzyku.
Like a Rolling Stone
Pieśniu Like a Rolling Stone muzyčnyja krytyki ličać adnoj z samych značnych u historyi.
The Times They're a-Changin'
U 1964 hodzie Dyłan stvaryŭ pieśniu, prostaja miełodyja i paetyčny tekst zrabili jaje himnam pratestu.
Knockin' On Heaven's Door
Jašče adzin šedeŭr — Knockin' On Heaven's Door: