Šatłandyja anansavała druhi refierendum ab niezaležnaści
Druhi refierendum pa pytańni adździaleńnia ad Vialikabrytanii źbirajucca pravieści ŭ Šatłandyi, paviedamlajuć infarmahienctvy.
Pa słovach kiraŭnika Šatłandskaj nacyjanalnaj partyi Nikoły Sterdžen, na nastupnym tydni varta čakać apublikavańnia adpaviednaha zakonaprajekta. Heta stanie pieršym krokam na šlachu arhanizacyi refierendumu.
Na kanfierencyi partyi ŭ Hłazha adznačana, što hałasavańnie pavinna być praviedziena pierš, čym Vialikabrytanija pakinie Jeŭrapiejski sajuz, kali heta nieabchodna dla abarony intaresaŭ Šatłandyi.
Ciapierašniaja premjer-ministr Vialikabrytanii Tereza Mej admaŭlaje mahčymaść pierahladu vynikaŭ refierendumu ab vychadzie Vialikabrytanii ź ES. Heta abvastraje supiarečnaści z uładami Šatłandyi.
Papiaredni refierendum ab niezaležnaści Šatłandyi prajšoŭ 18 vieraśnia 2014 hoda. Tady prychilniki adździaleńnia prajhrali — kala 55% tych, chto prahałasavaŭ, vystupili suprać takoha kroku.