U Minsku lehkavik źnies aharodžu dziciačaha sadka i zajechaŭ u piasočnicu FOTA
U Minsku adbyłosia DTZ, u jakim kiroŭca prataraniŭ na mašynie aharodžu dziciačaha sadka, paviedamiła staršy inśpiektar ahitacyi i prapahandy adździeła DAI Frunzienskaha RUUS Minska Alena Vołčak.
Fota DAI
«DTZ adbyłosia dniom u rajonie doma 69A pa praśpiekcie Puškina. Kiroŭca «Sitrajen», jaki ruchaŭsia pa dvarovaj terytoryi, nie spraviŭsia z kiravańniem, i jaho aŭtamabil, vylecieŭšy na bardziur, prataraniŭ płot dziciačaha sadka. Spyniłasia mašyna, tolki urezaŭšysia ŭ piasočnicu. Na ščaście, ad dziejańniaŭ lichača nichto nie paciarpieŭ», — raspaviała Alena Vołčak.
DAI vyvučaje abstaviny zdareńnia. Pavodle papiaredniaj infarmacyi, u kiroŭcy byli prykmiety ałkaholnaha apjanieńnia — jon adpraŭleny na miedahlad.