Aland, Mierkiel i Parašenka abmiarkujuć situacyju va Ukrainie biez Pucina
Piatro Parašenka i Fransua Aland damovilisia ab praciahu kansultacyj u Minsku na ŭzroŭni dypłamatyčnych daradcaŭ kiraŭnikoŭ dziaržaŭ «narmandskaha farmatu». Paśla ich «na nastupnym tydni lidary Ukrainy, Francyi i Hiermanii praviaduć telefonnuju kanfierencyju», paviedamiła pres-słužba prezidenta Ukrainy ŭ čaćvier, 13 kastryčnika, pa vynikach telefonnaj razmovy ŭkrainskaha i francuzskaha prezidentaŭ.
U telefonnaj razmovie z Parašenkam 13 kastryčnika Aland zajaviŭ ab nieabchodnaści padvoić namahańni pa realizacyi minskich damoŭlenaściej, u pryvatnaści, u halinie biaśpieki i palityčnaj śfiery. Jon miarkuje, što moža być «chutka raspracavanaja darožnaja karta dla ŭsich udzielnikaŭ kanfliktu, jakaja dakładna vyznačaje etapy, jakija pavinny, u kancy pracesu, pryvieści da adnaŭleńnia kantrolu Ukrainy nad svajoj miažoj z Rasijaj», skazana ŭ tekście zajavy, apublikavanaj na sajcie prezidenta Francyi.
Kiraŭnik francuzskaj dziaržavy taksama zajaviŭ pra hatoŭnaść pravieści sustreču na vyšejšym uzroŭni z udziełam Rasii dla abmierkavańnia ŭrehulavańnia ŭzbrojenaha kanfliktu va Ukrainie. «Prezident padkreśliŭ, što ŭ bližejšyja dni hatovy budzie uziać udzieł u novaj sustrečy ŭ «narmandskim farmacie», jakaja pavinna zadać vyrašalny impuls dla vychadu z kryzisu», — paviedamili ŭ administracyi francuzskaha prezidenta pa vynikach telefonnaj razmovy.