Tramp nazvaŭ abvinavačvańni ŭ damahańniach da žančyn chłuśnioj
Kandydat u prezidenty ZŠA ad Respublikanskaj partyi Donald Tramp nazvaŭ zajavy niekalkich žančyn, jakija abvinavacili jaho ŭ seksualnych damahańniach, «adkrytaj chłuśnioj».
Getty
Pa słovach Trampa, u chutkim časie jon pradstavić śviedčańni, jakija dakazvajuć biezhruntoŭnaść abvinavačvańniaŭ u jaho adras.
Donald Tramp ličyć, što padobnyja abvinavačvańni — heta «skaardynavanaja złamysnaja ataka» z boku ŚMI, jakaja źjaŭlajecca častkaj pieradvybarčaj kampanii Chiłary Klintan, jaho supiernicy ŭ baraćbie za prezidenckaje kresła.
Raniej u artykule haziety New York Times byli pryviedzienyja apoviedy dvuch žančyn ab seksualnych damahańniach da ich z boku Donalda Trampa. Uśled za hetaj publikacyjaj stali źjaŭlacca novyja paviedamleńni z padobnymi abvinavačvańniami. Žurnalist vydańnia People napisała pra toje, jak u 2005 hodzie Tramp hvałtoŭna sprabavaŭ jaje pacałavać, kali jana pryjšła brać intervju ŭ jaho i jaho žonki.
Jašče niekalki žančyn taksama raspaviali ŚMI pra nieprystojnyja pavodziny miljardera.
U minułuju piatnicu žurnalisty apublikavali pryvatny videazapis 2005 hoda, na jakim Tramp dapuskaje remarki adnosna prystavańniaŭ da žančyn, što mnohich aburyła.
Pa śćviardžeńni samoha biznesmiena, heta była «zvyčajnaja mužčynskaja bałbatnia ŭ raspranalni», i ŭ žyćci jon by nikoli nie dazvoliŭ sabie ničoha padobnaha.