Kardynał Bertone asudziŭ sankcyi ZŠA suprać Biełarusi
Dziaržaŭny sakratar papy rymskaha Bieniedykta XVI kardynał Tarčyzio Biertonie ličyć nieprymalnym prymianieńnie sankcyj u praktycy mižnarodnych adnosinaŭ. Ab hetym jon zajaviŭ 22 červienia ŭ Minsku na pres-kanfierencyi pa vynikach svajho piacidzionnaha aficyjnaha vizitu ŭ Biełaruś (18—22 červienia).
Pavodle jaho słoŭ, pantyfik Jan Pavieł II byŭ pryncypova suprać embarha i ekanamičnych sankcyj u dačynieńni da Iraka ŭ časy praŭleńnia Sadama Chusiejna. "Isnuje fundamientalny pryncyp, zhodna ź jakim kožnaja nacyja pavinna realizavać svajo prava na isnavańnie i samastojnaje raźvićcio. I ja nieadnarazova paŭtaraŭ, što sankcyi suprać Kuby, suprać inšych krain, u tym liku Biełarusi, nieprymalnyja, bo ad ich cierpić narod", — padkreśliŭ T. Biertonie.
Jon upeŭnieny, što prablemy dvuchbakovych i šmatbakovych adnosinaŭ nieabchodna vyrašać tolki šlacham dyjałohu.