Miadźviedzieŭ paniziŭ uzrovień biełaruska-rasijskich adnosinaŭ
«Nie mahu abaznačyć našy sumiesnyja adnosiny inakš jak stratehičnaje partniorstva», — zajaviŭ prezident Rasii pa vynikach pieramovaŭ z Alaksandram Łukašenkam 22 červienia. Stratehičnaje partniorstva na movie dyplamatyi — nižejšy ŭzrovień adnosinaŭ, čym sajuźnictva.
"Nie mahu abaznačyć našy sumiesnyja adnosiny inakš jak stratehičnaje partniorstva", — zajaviŭ prezident Rasii Dźmitryj Miadźviedzieŭ padčas padychodu da žurnalistaŭ pa vynikach pieramoŭ z Alaksandram Łukašenkam 22 červienia ŭ Breście.
Varta adznačyć, što stratehičnaje partniorstva na movie dyplamatyi — nižejšy ŭzrovień adnosinaŭ, čym sajuźnictva. Hetak, adnosiny stratehičnaha partniorstva isnujuć miž ES i Rasijaj.
"My praviali reviziju ŭsich prajektaŭ, jakija ŭ nas isnujuć. Pryjšli da vysnovy, što naš ruch napierad vielmi dobry. Našy handlova-ekanamičnyja adnosiny dobra raźvivajucca i źjaŭlajucca bazaj dla taho, kab raźvivać i inšyja viektary našaha ŭzajemadziejańnia", — skazaŭ Dz. Miadźviedzieŭ.
"Dla taho kab ruchacca napierad, nie abaviazkova stavić pierad saboj ambicyjnyja mety. Prosta nieabchodna vykonvać najaŭnyja damoŭlenaści", — skazaŭ rasijski prezident. Heta možna rasceńvać jak kryž na prajektach kanstytucyjnaha aktu sajuznaj dziaržavy.
Pieramovy ŭ Breście, zaznačyŭ jon, pakazali, što "my praktyčna adnolkava rasceńvajem i biahučy stan spraŭ, i pierśpiektyvy". "U nas vielmi blizkija i siabroŭskija adnosiny, i my budziem rabić usio, kab jany i dalej raźvivalisia", — zajaviŭ Dz. Miadźviedzieŭ.
Pierad telekameramiA. Łukašenka trymaŭsia raźniavolena. "My addanyja Dahavoru ab stvareńni sajuznaj dziaržavy. Ni biełaruski, ni rasijski baki ad hetych dakumientaŭ nie admaŭlajucca", — zajaviŭ A. Łukašenka.
Dz. Miadźviedzieŭ vyhladaŭ bolš skutym.
Z krepaści Dz. Miadźviedzieŭ i A. Łukašenka nakiravalisia ŭ rezidencyju "Viskuli" (Biełaviežskaja pušča) na abied.