Spad vytvorčaści televizaraŭ i aŭtobusaŭ
U studzieni—mai 2008 hoda ŭ Biełarusi źniziłasia vytvorčaść televizaraŭ, hadzińnikaŭ, rovaraŭ, mietałareznych stankoŭ, aŭtobusaŭ i matacykłaŭ.
Pavodle danych Ministerstva statystyki i analizu, za piać miesiacaŭ televizijnymi zavodami Biełarusi vyrablena 302,2 tys. televizaraŭ, što na 10% mienš, čym za anałahičny pieryjad 2007 hoda. Bytavych hadzińnikaŭ vypuščana 184,8 tys. (na 11,8 %), rovaraŭ — 101,8 tys. (na 55,2 %), mietałareznych stankoŭ — 2.188 (na 2,4 %), aŭtobusaŭ — 935 (na 3,8 %), matacykłaŭ — 2.951 (na 33,3 %).
Razam z tym na składach pradpryjemstvaŭ jość značnyja zapasy niekatorych tavaraŭ. Tak, pa stanie na 1 červienia naličvałasia 81,8 tys. televizaraŭ (135,3% da siaredniamiesiačnaha abjomu vytvorčaści). Zapasy bytavych hadzińnikaŭ u 29,8 razu pieravyšajuć siaredniamiesiačny abjom vytvorčaści, aŭtobusaŭ — u 2,3 razu.
U cełym, paviedamlaje Minstat, abjom pramysłovaj vytvorčaści ŭ mašynabudavańni i mietałaapracoŭcy ŭ studzieni—mai hetaha hoda pavialičyŭsia na 14,9%.