Pierajemnikam zabitaha Mataroły stanie jaho namieśnik
U samaabvieščanaj «Danieckaj narodnaj respublicy» novym kiraŭnikom sieparatysckaha bataljona «Sparta» staŭ pieršy namieśnik zabitaha Arsiena Paŭłava (Mataroły) bajavik z pazyŭnym «Vocha», paviedamlaje RIA «Novosti».
Vocha zajaviŭ, što paśla śmierci Mataroły jon budzie vykonvać jaho abaviazki, a «Sparta» praciahnie vykonvać «bajavyja zadačy». «Heta budu ja, jaho pieršy namieśnik. Jon zaŭsiody mianie pradstaŭlaŭ namieśnikam, tamu adnahałosna pryznali, što jaho spravu budziem praciahvać ŭsie razam, ale pad maim kiraŭnictvam», — zajaviŭ Vocha.
«My budziem zajmacca tym, čym zajmaŭsia naš kambat, budziem zajmacca bajavoj padrychtoŭkaj, nanosić straty vorahu», — adznačyŭ bajavik. Dadaŭšy pry hetym, što vinavatyja ŭ hibieli Mataroły abaviazkova adkažuć za zabojstva.
Mataroła zahinuŭ 16 kastryčnika 2016 hoda ŭ Daniecku. U domie bajevika byŭ uzarvany lift, dzie ŭ hety čas znachodziŭsia jon z achoŭnikam.