Mahieryni: Jeŭrasajuz uzhadniŭ płan pa abaronie i biaśpiecy
Kiraŭnica jeŭrapiejskaj dypłamatyi zapeŭniła, što Jeŭrasajuz nie budzie stvarać anałahaŭ abo kankurentaŭ NATA.
Ministry abarony i zamiežnych spraŭ ES uzhadnili płan pa abaronie i biaśpiecy Jeŭrasajuza. Pra heta zajaviła ŭ paniadziełak, 14 listapada, kiraŭnik jeŭrapiejskaj dypłamatyi Fiederyka Mahieryni, pieradaje DW. Jana zapeŭniła, što havorki nie viadziecca ab kankurencyi z NATA abo stvareńni paralelnych z NATA vajskovych sajuzaŭ.
«Razmova nie idzie ab jeŭrapiejskaj armii. Taksama havorka nie idzie ab stvareńni hienieralnaha štaba nakštałt SHAPE (staŭki Viarchoŭnaha hałoŭnakamandujučaha Abjadnanymi ŭzbrojenymi siłami NATA ŭ Jeŭropieju. — DW). I taksama nie idzie havorki ab terytaryjalnaj abaronie, bo dla hetaha jość NATA. my sajuźniki, u nas jość dakładna akreślenyja kampietencyi ŭ śfiery abarony», — padkreśliła jana.
Mahieryni adznačyła, što płan byŭ padrychtavany pry poŭnym udziele ŭsich krain Jeŭrasajuza na praciahu apošnich troch miesiacaŭ. Jana dadała, što da kanca listapada Jeŭrapiejskaja kamisija pavinna budzie raspracavać płan dziejańniaŭ, jaki abmiarkujuć ź ministrami abarony krain-členaŭ ES. Mahieryni vyłučyła try hałoŭnyja zadačy: reahavańnie na źniešnija kanflikty i kryzisy, praca ź dziaržavami-partniorami pa farmiravańni ich abaronnych mahčymaściaŭ i abarona Jeŭrasajuza i jaho hramadzian.