Na šachcie ŭ Salihorsku zahinuŭ 22-hadovy rabočy
Salihorski rajadździeł Śledčaha kamiteta pačaŭ kryminalnuju spravu paśla hibieli rabočaha ŭ šachcie AAT «Biełaruśkalij».
Fota sk.gov.by
Sprava pačataja pa fakcie parušeńnia praviłaŭ ekspłuatacyi mašyn i miechanizmaŭ pry vytvorčaści hornych rabot, što paciahnuła pa nieaściarožnaści śmierć čałavieka.
Trahičny vypadak zdaryŭsia zranku 14 listapada. 22-hadovy mašynist horna-vyjemačnych mašyn ramantavaŭ niaspraŭnaść hornaj techniki, jakaja zabiaśpiečvaje vysiečku parod. Chłopiec atrymaŭ śmiarotnuju traŭmu.
Kab vyśvietlić akaličnaści zdareńnia, śledčyja spuskalisia ŭ šachtu. Jany ahledzieli miesca zdareńnia, sabrali i zafiksavali ślady. Śledstva pryznačyła šerah ekśpiertyz, pravodzicca kompleks śledčych dziejańniaŭ.