Tvorča padyšli da ŭborki kukuruzy na Vilejščynie FOTY
Zdymki zroblenyja 15 listapada kala vioski Rabcy na Vilejščynie.
Kali hruzavik advoziŭ sabranuju kukuruzu, uboračnyja kambajny nie čakali jaho, a praciahvali pracavać. Ziernie ssypali prosta na ziamlu i ŭkatvali jaho kołami. Takaja dola napatkała nie mienš čym tracinu ŭradžaju.
Ci hetaja ŭborka rabiłasia na chutkaść, ci paletki začyščalisia, kab dobra hladzielisia ź viertalotu, — zahadka.
Kali adzin z uboračnych kompleksaŭ zahraz, ciahnuli jaho dvuma traktarami. Salarku nichto nie škadavaŭ.
Tak śpiašalisia prybrać, što nie stali čakać, pakul pole schopicca marozam i možna budzie skasić kukuruzu na prakorm skacinie ci pryhnać karoŭ ź fiermy, što pobač. Naŭrad ci dobry haspadar stanie tak raskidvacca ŭradžajem pola kala dziesiaci hiektaraŭ.
V.a. dyrektara dziaržaŭnaha pradpryjemstva «Stajki» paprasiła karespandenta «Našaj Nivy» pierazvanić paźniej, jana była nie ŭ kursie situacyi.
Abureńnie takim zboram uradžaju, darečy, pa telefonie vykazała i miascovaja žycharka stałaha vieku [a ŭ Rabcach zastałosia ŭsiaho čatyry žyłyja chaty, dzie jość telefon — Red.]
«Boh viedaje što robicca. Ziamla ciapier miakkaja, jany [mašyny i kambajny] tam hraznuć… Dy taki ŭradžaj, taki ŭradžaj, dy takaja kukuruza charošaja… Tam šyški byli, takija šyški. Tam, viedajecie što, mnoha paloŭ nieprybranaj kukuruzy», — skazała babula emacyjna.
— Dyk a heta sami kambajniory takija niadbajnyja, ci im zahadali? — spytali my.
— Zahadali, kaniečnie, načalstva.
— A chto tam u vas načalstva?
— A chto jaho tam viedaje.