U Viciebsku čatyry žančyny zachapili tramvaj
Incydent adbyŭsia 14 listapada kala 18:00 u Viciebsku na praśpiekcie Frunzie kala restaracyi «Zialona Hura»: čatyry žančyny ŭvajšli ŭ vahon, jaki jechaŭ u depo, i admovilisia vychodzić, pakul nie buduć vykananyja ich patrabavańni. Pra heta pišuć »Narodnyja naviny Viciebska».
Patrabavańni, adnak, u ich byli prostyja — žančyny chacieli dajechać da svaich prypynkaŭ. Kanflikt, jak apisvaje vidavočca ŭ svaim błohu, adbyŭsia z-za taho, što adzin z tramvajaŭ, jakija iduć pa maršrucie na vulicu Haharyna, złamaŭsia. Tamu z nastupnaha vahona pasažyraŭ vysadzili, i jon paviarnuŭ na Frunzie.
Tramvaj adbuksiravali ŭ ramont, adnak zatym tramvai maršrutaŭ №1 i №3 zamiest Haharyna išli ŭ depo. Ludzi, jakija sabralisia na prypynku, nie mahli źjechać bolš za hadzinu.
U vyniku čatyry žančyny, papiarednie patelefanavaŭšy ŭ dyśpietčarskuju słužbu i vykazaŭšy usio, što dumajuć z nahody rašeńnia hetaj prablemy, vyrašyli uvajści ŭ pieršy, jaki pryjdzie, vahon i patrabavać, kab ich dastavili na patrebnyja prypynki.
Ich achviaraj staŭ čarhovaj tramvaj, jaki taksama išoŭ u depo. Žančyny ŭvajšli ŭ vahon i abjavili kanduktaru, što nikudy nie vyjduć, pakul ich nie adviazuć dadomu. Źbiantežanyja kiroŭca i kanduktar hrazilisia vyklikać milicyju ci advieźci «zachopnic» u depo, adnak žančyny zastavalisia niepachisnyja. U rešcie rešt, paśla pieramoŭ z dyśpietčaram, tramvaj pajechaŭ na vulicu Haharyna.