Prezident Tadžykistana zasnavaŭ orden imia siabie
Prezident Tadžykistana Emamali Rachmon u aŭtorak padpisaŭ zakony «Ab zasnavalniku miru i nacyjanalnaha adzinstva — lidary nacyi» i «Ab sacyjalnym zabieśpiačeńni, absłuhoŭvańni i achovie Prezidenta Respubliki Tadžykistan». Pra heta paviedamlajeVVS.
«Honar naš, lubimy naš kiraŭnik», — napisana na hetym płakacie. Fota halifat.net
Zakony praduhledžvajuć stvareńnie muzieja Rachmona, dajuć jamu imunitet ad kryminalnaha pieraśledu, harantujuć pažyćciovuju niedatykalnaść, žyllo, piensiju i słužbovy transpart.
Akramia taho, u krainie zasnoŭvajucca orden «Lidar nacyi — Emamali Rachmon» i adnajmiennaja dziaržaŭnaja premija, jakija buduć prysudžacca asabista Rachmonam.
Emamali Rachmon niaźmienna kiruje Tadžykistanam z 1992 hoda i prykmiet na mahčymy dobraachvotny sychod u adstaŭku nie padaje.
Za hady praŭleńnia Rachmona Tadžykistan nabyŭ tryvały status adnoj z samych biednych dziaržaŭ Centralnaj Azii.