Stała viadoma, kolki ŭ parłamiencie zarablaje apazicyjnaja deputatka Hanna Kanapackaja
Heta mnoha ci mała?
Deputatka Pałaty pradstaŭnikoŭ ad AHP Hanna Kanapackaja na svajoj staroncy ŭ fejsbuku apublikavała raźlikovy listok za kastryčnik.
Hanna Kanapackaja. Fota Siarhieja Hudzilina.
Pieršaja siesija novaha sklikańnia parłamienta adbyłasia 11 kastryčnika. Ahułam u minułym miesiacy deputaty adpracavali 12 dzion.
Zarobak Hanny Kanapackaj skłaŭ 1058 rubloŭ, albo kala 500 jeŭra pa kursu Nacbanka za 15 listapada. Akład u Kanapackaj vyjšaŭ 524 rubli, štomiesiačnaja premija — 214 rubloŭ, nadbaŭka za kłas dziaržsłužboŭcy — 191, nadbaŭka za vysłuhu hadoŭ — 286 rubloŭ.
Siaredni zarobak pa Biełarusi za vierasień 2016 hoda skłaŭ 732 rubli.
«Samyja vysokaapłatnyja deputaty ŭ śviecie pracujuć u Aŭstralii. Ich štomiesiačny dachod składaje 15 400 jeŭra. U Jeŭropie bolš za ŭsich zarablajuć italjanskija parłamientaryi (14 580 jeŭra). Maje ŭkrainskija kalehi — krychu bolš za 2 000 jeŭra, rasijskija z nastupnaha hoda — 5 600 jeŭra. Samyja «biednyja» deputaty krain ES pracujuć u Bałharyi (1 300 jeŭra). Jak vy ličycie, jakuju zarabotnuju płatu pavinny mieć deputaty zakanadaŭčaha orhana našaj krainy? Jakija aptymalnyja suadnosiny pavinny być ź siarednim zarobkam?» — zadajecca pytańniem Hanna Kanapackaja.