Sud Jehipta admianiŭ śmiarotny prysud eks-prezidentu Mursi
Kasacyjny sud Jehipta admianiŭ śmiarotny prysud byłomu prezidentu krainu Machamiedu Mursi, piša VVS.
Reuters
Jon byŭ prysudžany da śmiarotnaha pakarańnia pa kryminalnaj spravie ab udziele ŭ masavych biesparadkach i arhanizacyi ŭciokaŭ źniavolenych z turmy padčas paŭstańnia ŭ 2011 hodzie, jakoje pryviało da źviaržeńnia režymu Chośni Mubaraka.
Ucioki supravadžaŭsia zabojstvami palicejskich i supracoŭnikaŭ turemnaj achovy.
Heta adna z čatyroch sudovych spraŭ, raspačatych u dačynieńni da Mursi, jaki znachodzicca ŭ źniavoleńni z momantu svajho źviaržeńnia ŭ lipieni 2013 hoda.
Pa inšych abvinavačvańniach Mursi ŭžo byŭ prysudžany da 20 hadoŭ turmy i da pažyćciovaha źniavoleńnia, sudovaje raźbiralnictva pa šerahu spraŭ praciahvajecca da hetaha času.
Kasacyjny sud taksama admianiŭ śmiarotnyja prysudy ŭ dačynieńni da jašče piaci aktyvistaŭ zabaronienaha ŭ Jehipcie ruchu «Braty-musulmanie», lidaram jakoha byŭ Mursi.
U 2012 hodzie paśla źviaržeńnia Chośni Mubaraka Mursi pieramoh na vybarach prezidenta krainy, staŭšy pieršym demakratyčna abranym prezidentam u historyi Jehipta. Praz hod jon byŭ źniaty z pasady ŭ vyniku vajennaha pieravarotu.
Novy vajenny ŭrad Jehipta abviaściŭ «Bratoŭ-musulman» terarystyčnaj arhanizacyjaj, a dziejnaść ruchu akazałasia pad zabaronaj.
Jehipieckija sudy za karotki čas prysudzili sotni prychilnikaŭ Mursi da śmiarotnaha pakarańnia. Pravaabaroncy krytykavali jehipieckuju sudovuju sistemu i sumniavalisia ŭ spraviadlivaści prysudaŭ.