Miadźviedzieŭ: Zatrymańnie Ulukajeva — za miažoj majho razumieńnia
Premjer-ministr RF Dźmitryj Miadźviedzieŭ zajaviŭ, što zatrymańnie ministra ekanamičnaha raźvićcia znachodzicca «za miažoj jaho razumieńnia», paviedamlaje »Interfaks».
«Viadoma, heta ciažkaja padzieja i dla ŭłady, i dla ŭrada. Toje, što zdaryłasia — za miažoj majho razumieńnia», — skazaŭ jon, dadaŭšy, što ŭ prezidenta Uładzimira Pucina «takoje ž mierkavańnie».
Pavodle jaho słoŭ, raspačaćcie spravy suprać Ulukajeva i inšych vysokapastaŭlenych dziaržsłužačych demanstruje, što «nichto z pradstaŭnikoŭ ułady, ni ministr, ni deputat, ni hubiernatar, ni luby inšy dziaržsłužačy nie maje imunitetu pry ździajśnieńni karupcyjnych złačynstvaŭ».
Ministr ekanamičnaha raźvićcia RF Alaksiej Ulukajeŭ abvinavačvajecca ŭ atrymańni chabaru ŭ pamiery dvuch miljonaŭ dalaraŭ za ŭchvaleńnie ŭhody pa prodažy dziaržpakieta «Bašniefti» kampanii «Raśniefť». Pra jaho zatrymańnie stała viadoma ŭ noč na 15 listapada; viečaram taho ž dnia Basmanny sud adpraviŭ jaho pad chatni aryšt.