U Biełarusi zabaranili vypusk i raspaŭsiud pradukcyi z zaklikami da samahubstva
U Biełarusi zabaronieny vypusk i raspaŭsiud pradukcyi, jakaja ŭtrymlivaje zakliki da samahubstva. Takaja infarmacyja raźmieščanaja na Nacyjanalnym pravavym internet-partale.
Pastanovaj Ministerstva kultury Biełarusi ad 15 vieraśnia 2016 hoda №37 uniesienyja źmieny ŭ Instrukcyju ab paradku vypusku, tyražavańnia, pakazu, prakatu, prodažu i rekłamavańnia eratyčnaj pradukcyi, pradukcyi, jakaja źmiaščaje elemienty erotyki, hvałtu i žorstkaści, pradukcyi pa seksualnaj adukacyi i pałavym vychavańni, a taksama pradukcyi seksualnaha pryznačeńnia.
Dakumientam udakładniena vyznačeńnie termina «prapahanda hvałtu i žorstkaści». Tak, da liku prykmiet takoj prapahandy adniesienyja taksama zakliki da samahubstva, apisańnie srodkaŭ i sposabaŭ samahubstva z metaj zaachvočvańnia rašučaści ździejśnić akt samahubstva, dziejańni, jakija ŭskosna padachvočvajuć da samahubstva z dapamohaj apraŭdańnia i (abo) abhruntavańnia dapuščalnaści samahubstva, abiacańni atrymańnia fizičnaha i (abo) psichałahičnaha zadavalnieńnia, dabrot i pieravah u vypadku samahubstva, u tym liku praz hulni.
Vypusk, tyražavańnie, pakaz, prakat, prodaž i rekłamavańnie pradukcyi, jakaja źmiaščaje elemienty prapahandy hvałtu i žorstkaści, zabaronienyja. Heta źmianieńnie ŭstupaje ŭ siłu paśla aficyjnaha apublikavańnia pastanovy №37.