Filmy «18+» dazvolać pakazvać pa TB tolki z 24:00 da 6:00
Filmy katehoryi «18+» z 1 lipienia 2017 hoda dazvolać pakazvać pa TB tolki z 24:00 da 6:00, paviedamiła siońnia hałoŭny śpiecyjalist adździeła pa kiniematahrafii Ministerstva kultury Natalla Huryna.
«Ciapier jość instrukcyja, što filmy katehoryi **** («18+») pavinny pakazvacca nie raniej za 23:00 i nie paźniej za 4:00. Z 1 lipienia 2017 hoda nielha budzie pakazvać pradukcyju «18+» z 6 ranicy da 24:00. Filmaŭ z markiroŭkaj «16+» heta nie datyčycca», — raskazała Natalla Huryna.
Što datyčycca demanstracyi stužak z uzrostavaj markiroŭkaj «16+» i «18+» u kinateatrach, to dopusk hledačoŭ u zału kantralujecca ŭžo ciapier.
«Na ŭsie filmy, jakija vychodziać u nas u publičny pakaz, atrymlivajecca dziaržaŭnaje rehistracyjnaje paśviedčańnie, dzie stavicca indeks uzrostavaha abmiežavańnia. Kinavideaprakaty zahadzia atrymlivajuć nieabchodnuju infarmacyju pa abmiežavańniach. Kali film maje ŭzrostavaje abmiežavańnie «16+», to hladač maładziejšy za 16 hadoŭ nie prachodzić — takija praviły dziejničajuć užo ciapier. Heta na sumleńni kinateatra — jon nie pavinien prapuskać asoby maładziejšyja za nazvany ŭzrost», — rastłumačyła Natalla Huryna.