Minsk uvajšoŭ u dvaccatku samych spartyŭnych haradoŭ śvietu
Uvajšoŭšy ŭ lik 20 spartyŭnych haradoŭ śvietu, Minsk prademanstravaŭ samy chutki rost u indeksie. Jak adznačaje pres-słužba NAK, hetamu šmat u čym paspryjali praviadzieńnie Hienieralnaj asamblei Jeŭrapiejskich alimpijskich kamitetaŭ i abrańnie biełaruskaj stalicy miescam praviadzieńnia Jeŭrahulniaŭ-2019.
Padčas adkryćcia Čempijanatu śvietu pa chakiei 8 maja 2014 hoda. Fota Siarhieja Hudzilina.
Novy rejtynh infarmacyjnaha ahienctva Sportcal byŭ apublikavany na samicie, pryśviečanym pytańniam raźvićcia suśvietnaha sportu i turyzmu 14 kastryčnika na Suśvietnaj turystyčnaj vystavie.
U rejtynhu ŭličvajucca dadzienyja pra 610 haradoŭ, jakija kali-niebudź prymali ci płanujuć pravieści ŭ budučyni 787 spartyŭnych padziej pa 75 vidach sportu ŭ 146 dyscyplinach za 14-hadovy pieryjad (ad 2010 da 2023 hh.).
Minsk upieršyniu trapiŭ u top-20 samych spartyŭnych haradoŭ, adrazu padniaŭšysia na 32 pazicyi da 19-ha radka rejtynhu (nabraŭšy 4,643 ački).
Svaim pośpiecham Minsk šmat u čym abaviazany paśpiachovamu praviadzieńniu i vynikam 45-j Hienieralnaj asamblei Jeŭrapiejskich alimpijskich kamitetaŭ, jakaja adbyłasia sioleta 20-22 kastryčnika, z udziełam pradstaŭnikoŭ usiaho spartyŭnaha ruchu, u tym liku prezidentaŭ ANAK, JEAK, pradstaŭnikoŭ NAKaŭ, arhkamitetaŭ Alimpijskich i Paralimpijskich hulniaŭ, Junackich alimpijskich hulniaŭ i Jeŭrapiejskich junackich alimpijskich fiestyvalaŭ.
Rašeńniem bolšaści delehataŭ Hienieralnaj asamblei Minsk atrymaŭ prava na praviadzieńnie adnaho z najbujniejšych kantynientalnych spartyŭnych forumaŭ — u 2019 hodzie ŭ stalicy adbuducca druhija Jeŭrapiejskija hulni, dzie lepšyja spartoŭcy z 50 krain-udzielnic JEAK buduć zmahacca za miedali.
Stalica Biełarusi ŭžo maje vopyt praviadzieńnia bujnych mižnarodnych spabornictvaŭ, u tym liku matč zorak KCHŁ u 2010 hodzie, čempijanat śvietu pa fihurnym katańni siarod junijoraŭ u 2012 hodzie, čempijanat śvietu pa chakiei 2014 hoda, čempijanat śvietu pa futzale i čempijanat Jeŭropy pa mastackaj himnastycy ŭ 2015 hodzie.
Stalica Vienhryi Budapiešt, adzin z haradoŭ-kandydataŭ na praviadzieńnie letnich Alimpijskich hulniaŭ u 2024 hodzie, trapiŭ u dziasiatku rejtynhu, padniaŭšysia na 5 pazicyj i zaniaŭšy vynikovaje 7-je miesca. Łos-Andželes, jaki taksama pretenduje na prava praviadzieńnia Alimpijady ŭ 2024 hodzie, zaniaŭ 34-y radok, a Rym, što raniej adklikaŭ zajaŭku na pryniaćcie Alimpijady-2024, znachodzicca na 42-j pazicyi.
Pa viersii infarmacyjnaha ahienctva Sportcal, užo piać hadoŭ Łondan zachoŭvaje status samaha spartyŭnaha horada ŭ śviecie.