Pucin terminova vyvodzić Rasiju z pahadnieńnia pra Haahski trybunał
Prezident RF Uładzimir Pucin padpisaŭ rasparadžeńnie ab vychadzie Rasii z Rymskaha statuta Mižnarodnaha kryminalnaha suda.
Adpaviednaje rasparadžeńnie apublikavana na partale pravavoj infarmacyi.
Dakumient byŭ padpisany 16 listapada. Nahadajem, napiaredadni ŭ spravazdačy prakurora Mižnarodnaha kryminalnaha suda ŭ Haazie situacyja ŭ Krymie pryraŭnoŭvajecca da mižnarodnaha ŭzbrojenaha kanfliktu.
Rymski statut byŭ padpisany ŭ 1998 hodzie, na im hruntujecca Mižnarodny kryminalny sud u Haazie, jaki jašče časta nieaficyjna nazyvajuć Haahskim trybunałam.
Mižnarodny kryminalny sud — pravavy instytut, u kampietencyju jakoha ŭvachodzić pieraśled asob, adkaznych za hienacyd, vajennyja złačynstvy i złačynstvy suprać čałaviečnaści. Zasnavany na asnovie Rymskaha statuta, pryniataha ŭ 1998 hodzie. Isnuje ad lipienia 2002 hoda.