Za biaźvizavy ŭjezd u Šenhien moža być uviedzieny zbor 5 jeŭra
Jeŭrakamisija choča zrabić płatnym biaźvizavy ŭjezd na terytoryju zony Šenhien dla hramadzian tych krain, jakija nie źjaŭlajucca siabrami Jeŭrasajuza. Jak pieradajuć infarmahienctvy, za biaźvizavaje naviedvańnie Šenhiena turystaŭ z «niejeŭrasajuznych» krain mohuć abaviazać płacić pa 5 jeŭra.
Płanavany zbor u pamiery 5 jeŭra moža być raspaŭsiudžany prykładna na 30 młn hramadzian 60 krain, jakija majuć biaźvizavy ŭjezd u ES. Pavodle padlikaŭ ekanamistaŭ, heta moža prynieści ŭ biudžet ES zvyš 500 młn jeŭra ŭ hod.
Takija miery źviazany z ukaranieńniem jeŭrapiejskaj elektronnaj sistemy aŭtaryzacyi ŭjezdu ŭ Jeŭrasajuz ETIAS (The EU Travel Information and Authorisation System). Sistema moža być zapuščana ŭ 2020 hodzie, kali jaje adobrać dziaržavy ES i Jeŭraparłamient. Prezientacyja Jeŭrakamisijaj ETIAS namiečana na listapad.