Parašenka i Tramp parazmaŭlali pa telefonie, damovilisia pra sustreču
Abrany prezidentam ZŠA miljarder Donald Tramp i prezident Ukrainy Piatro Parašenka parazmaŭlali pa telefonie, paviedamiła administracyja ŭkrainskaha prezidenta pozna viečaram u aŭtorak.
Parašenka adznačyŭ nieabchodnaść amierykanskaj padtrymki dla Ukrainy ŭ zmahańni z rasijskaj ahresijaj, havorycca ŭ paviedamleńni.
Taksama budučy i dziejučy prezidenty damovilisia pra dvuchbakovuju sustreču. Ukrainskija ŭłady raniej płanavali, što jana adbudziecca ŭ Vašynhtonie ŭ pačatku 2017 hoda. U toj ža čas Parašenka zaprasiŭ Trampa va Ukrainu.
Padčas vybarčaj kampanii Tramp, kandydat ad Respublikanskaj partyi, adyšoŭ ad respublikanskaha kansensusu i dazvalaŭ sabie vykazvańni, jakija mnohija ŭ ZŠA, Ukrainie i Rasii paličyli «prarasijskimi».