Viciablanin pravaliŭsia pad lod na voziery Łośvida
Na voziery Łośvida rabotniki MNS vyratavali rybaka, jaki pravaliŭsia pad lod i tanuŭ, paviedamili ŭ abłasnym upraŭleńni MNS.
Tut i nižej fota MNS
Infarmacyja pra rybaka, jaki tonie na voziery Łośvida pablizu vioski Batali Haradockaha rajona, pastupiła ratavalnikam 16 listapada ŭ 10.31. Pa dapamohu źviarnuŭsia vidavočca zdareńnia, jaki taksama rybačyŭ na hetym vadajomie. Čakajučy rabotnikaŭ MNS, mužčyna staraŭsia akazać pasilnuju dapamohu rybaku, kab toj nie pajšoŭ pad lod.
«Rybak pravaliŭsia ŭ pałonku ŭ 40 m ad bieraha. Pieršymi na miesca zdareńnia prybyli rabotniki pažarnaha avaryjna-vyratavalnaha pasta №11 Viciebskaha RANS. Pry dapamozie vyratavalnych srodkaŭ jon byŭ vyciahnuty na bierah i pieradadzieny bryhadzie chutkaj miedycynskaj dapamohi. Paciarpieły, jakim akazaŭsia niepracujučy 36-hadovy žychar Viciebska, znachodzicca ŭ reanimacyjnym adździaleńni balnicy. Jaho stan miedyki charaktaryzujuć jak stabilna ciažki», — adznačyli va ŭpraŭleńni.
MNS nahadvaje: ni ŭ jakim razie nie vychodźcie na lod, pakul jaho taŭščynia nie dasiahnuła 7 sm, a na dvare nie ŭstanaviłasia stabilnaje maroznaje nadvorje.