Rehnum: «U Biełarusi nie radujucca pośpiecham Rasii»
Prarasijski publicyst Juryj Barančyk krytykuje ŭłady Biełarusi za toje, što jany nie radujucca pośpiecham Maskvy na mižnarodnaj arenie.
Juryj Barančyk, bditelnost.info.
«Hladziš na štodzionnuju stužku navin u Biełarusi i nie adrazu, ale zaŭvažaješ u čarhovy i katory raz niejki paradoks. Usie prarasijskija siły ŭ śviecie, nie tolki ŭ samoj Rasii, dastatkova burna i pazityŭna adznačajuć pieramohu Trampa ŭ ZŠA, pieramohu Radzieva i Dadona na prezidenckich vybarach u Bałharyi i Małdavii, i tolki ŭ adnoj Biełarusi — cišynia», — piša Barančyk.
Pavodle mierkavańnia aŭtara, usia biełaruskaja apazicyja była vyklučna za Klintan (choć, naprykład, Zianon Paźniak padtrymaŭ pieramohu respublikancaŭ). A «biełaruskija ŭłady maŭčać», jak napisaŭ Barančyk.
«Minsk šantažom zajmajecca dy kapieječku małuju namahajecca zarabić na ciažkaściach Rasii», — ličyć jon.
I heta ŭ toj čas, kali «Uładzimir Pucin pry poŭnaj padtrymcy naroda Rasii sa skrypam, ale raźviarnuŭ skryžali [majucca na ŭvazie, musić, ahłobli — NN] suśvietnaj historyi ŭ inšy bok i pačaŭ ich kacić ad prorvy», — piša Barančyk.
Nahadajem, što ŭ svoj čas redaktar «Sovietskoj Biełoruśsii» Pavieł Jakubovič žorstka vyśmiejaŭ Juryja Barančyka ŭ žyvym efiry.
Majsiej trymaje skryžali ź dziesiaćciu prykazańniami. Vyjava wikimedia.org.