Urad Bałharyi syšoŭ u adstaŭku
Parłamient Bałharyi adpraviŭ urad u adstaŭku. Jak paviedamlajuć infarmahienctvy, u padtrymku hetaha rašeńnia vykazalisia 218 deputataŭ, jašče dva ad hałasavańnia ŭstrymalisia.
Debaty z nahody adstaŭki ŭrada praciahvalisia dźvie hadziny.
Na pačatku pasiadžeńnia, na jakim było pryniatak adpaviednaje rašeńnie, premjer-ministr Bałharyi ŭ adstaŭcy Bojka Barysaŭ paabiacaŭ, što ŭrad praciahnie vykonvać svaje funkcyi da taho času, pakul nie budzie sfarmavany novy ŭrad. Tym samym, pavodle jaho słoŭ, budzie zabiaśpiečanaja pierajemnaść u kiravańni.
Akramia taho, Bojka Barysaŭ pavinšavaŭ ź pieramohaj na prezidenckich vybarach Rumena Radzieva.
Jak adznačajecca, dniami ŭ Bałharyi pavinny adbycca kansultacyi z kiraŭnikami pradstaŭlenych u parłamiencie partyj, na jakich buduć vyznačanyja šlachi vychadu z palityčnaha kryzisu. Taksama budzie ŭzhodnieny skład techničnaha ŭrada z abranym prezidentam Radzievym.