Mužčyny ŭ Biełarusi bolš aktyŭna kidajuć kuryć, čym žančyny
Pra heta siońnia na pres-kanfierencyi ŭ pres-centry BiełTA paviedamiła zahadčyca adździeła hramadskaha zdaroŭja DU «Respublikanski centr hihijeny, epidemijałohii i hramadskaha zdaroŭja» Volha Bartman.
Na praciahu apošnich dvuch hadoŭ, naprykład, zmahli admovicca ad kureńnia 5,4% mužčyn i 3,3% žančyn. Tym nie mienš, dola tych, chto maje namier kinuć kuryć, vyšejšaja siarod žančyn, adznačyła Volha Bartman.
Kureńnie vystupaje adnym z asnoŭnych faktaraŭ, jakija niehatyŭna ŭpłyvajuć na mužčynskaje zdaroŭje, u tym liku na repraduktyŭnuju funkcyju. Nikacin razburaje niervovuju sistemu, u pryvatnaści tyja jaje adździeły, jakija adkazvajuć za pałavyja pavodziny čałavieka i jaho zdolnaść da razmnažeńnia. Z uzrostam zdolnaść da dzietanaradžeńnia ŭ kurcoŭ źnižajecca. Zhodna ź miedyčnaj statystykaj, bolš za 10% vypadkaŭ pałavoha biaśsilla ŭ mužčyn źviazanyja ź niepamiernym spažyvańniem tytuniu.
Volha Bartman dadała, što ŭ Biełarusi rehularna pravodzicca sacyjałahičnaje daśledavańnie ab pavodnickich faktarach ryzyki nasielnictva. Pavodle jaho vynikaŭ, mužčyny i žančyny pa-roznamu aceńvajuć faktary ryzyki dla svajho zdaroŭja. Na dumku žančyn, horš za ŭsio na ich stanie adbivajucca stresy. Mužčyny bolš krytyčna vykazvalisia pra svaje zvyčki, a taksama bolš nadavali ŭvahi ekałahičnym faktaram, umovam pracy i vučoby.