Džoni Dep źniaŭsia ŭ padtrymku Siancova FOTA
Halivudski akcior Džoni Dep padtrymaŭ ukrainskaha režysiora Aleha Siancova, paviedamlaje Gordonua sa spasyłkaj na Rolling Stone.
Rolling Stone
Pravaabaroncy z Voice Project abviaścili ab pačatku kampanii «U zaklučeńni za mastactva» (Imprisoned for Art), u miežach jakoj viadomyja artysty i muzykanty sprabujuć pryciahnuć uvahu da losu svaich kaleh z roznych krain śvietu, jakija apynulisia za kratami pa palityčnych matyvach.
U ramkach prajekta halivudski akcior Džoni Dep padtrymaŭ ukrainskaha kinarežysiora Aleha Siancova, jaki znachodzicca ŭ rasijskaj turmie. Dla hetaha akcior sfatahrafavaŭsia z šyldačkaj, na jakoj pakazanaje miesca źniavoleńnia Siancova, a taksama termin, jaki prysudzili jamu ŭ Rasii.
Na sajcie prajektu adznačajecca, što Siancoŭ znachodzicca ŭ turmie pa padazreńni ŭ padrychtoŭcy terarystyčnych aktaŭ za jaho rolu ŭ baraćbie z anieksijaj Kryma.
Kožnaja fatahrafija akcioraŭ budzie nadrukavanaja na futbołcy, jakaja budzie dastupnaja dla pakupki na sajcie prajekta. Dachody ad prodažu futbołak płanujecca vydatkavać na arhanizacyi, jakija prykładajuć namahańni pa vyzvaleńni palitviaźniaŭ.
U mai 2014 hoda ŭ Simfieropali byli aryštavanyja čaćviora miascovych praŭkrainskich aktyvistaŭ: Hienadź Afanaśjeŭ, Alaksiej Čyrnij, Alaksandr Kolčanka i kinarežysior Aleh Siancoŭ. U žniŭni 2015 hoda rasijski sud pryznaŭ ich vinavatymi ŭ padrychtoŭcy teraktaŭ u Krymie i padpale ofisaŭ dźviuch partyj u Simfieropali.
Afanaśjeŭ i Čyrnij pahadzilisia supracoŭničać sa śledstvam i atrymali pa siem hadoŭ turmy. Siancoŭ byŭ prysudžany da 20 hadoŭ pazbaŭleńnia voli, Kolčanka — da 10 hadoŭ.
21 kastryčnika 2016 hoda stała viadoma, što Rasija admoviłasia pieradavać Ukrainie Siancova ŭ ramkach Kanviencyi ab pieradačy asudžanych asob 1983 hoda, spasyłajučysia na toje, što ŭ jaho rasijskaje hramadzianstva. Pry hetym u sakaviku 2016 hoda ŭ dakładzie rasijskaha ambudsmiena havaryłasia, što pravavaja niavyznačanaść u dačynieńni da hramadzianskaj prynaležnaści Siancova i Kolčanki «była likvidavanaja i pryznanaje ich ukrainskaje hramadzianstva».
Advakat Siancova Dźmitryj Dynzie zajaviŭ, što jurydyčna ŭ Siancova niama rasijskaha hramadzianstva, tamu što ŭsich žycharoŭ Kryma aŭtamatyčna pryznali hramadzianami RF, a heta supiarečyć Kanviencyi pa pravach čałavieka i rasijskim zakonam.
U kancy kastryčnika siastra Siancova Natalla Kapłan zajaviła, što jaje brata pieraviali ŭ štrafny izalatar.