Źniaty z pasady kiraŭnik Bielinviestbanka, da jaho pretenzii ŭ pravaachoŭnikaŭ
Pravaachoŭnyja orhany Biełarusi zacikavilisia dziejnaściu staršyni praŭleńnia Bielinviestbanka Hienadzia Sysojeva. Dakładniej — z učorašniaha dnia byłoha kiraŭnika hetaha banka. Dadzienuju infarmacyju TUT.BY paviedamili krynicy ŭ bankaŭskich kołach.
«Uźnikli da jaho pytańni ŭ kampietentnych orhanaŭ», — skazaŭ surazmoŭca. «Tak, jon źniaty z pasady. Ale, nakolki mnie viadoma, pa stanie na siońniašniuju ranicu abvinavačvańniaŭ z boku pravaachoŭnych orhanaŭ nie vystaŭlałasia. Dumaju, na praciahu dvuch sutak stanie viadoma, vystaŭlenyja suprać jaho abvinavačvańni ci nie», — kaža jašče adna krynica.
U pres-słužbie Bielinviestbanka zajavili, što Hienadź Sysojeŭ pakinuŭ pasadu staršyni praŭleńnia banka «pa siamiejnych abstavinach». «Učora naziralny saviet zadavoliŭ zajavu Hienadzia Sysojeva, ź siońniašniaha dnia jon bolš nie źjaŭlajecca staršynioj praŭleńnia Bielinviestbanka», — skazali ŭ pres-słužbie banka.
Mabilny telefon bankira niedastupny.
Vykonvajučym abaviazki staršyni praŭleńnia banka pryznačany pieršy namieśnik staršyni praŭleńnia Ihar Barejka.