Suśvietnaja arhanizacyja achovy zdaroŭja admianiła nadzvyčajnaje stanovišča, uviedzienaje paśla ŭspyški virusa Zika
Suśvietnaja arhanizacyja achovy zdaroŭja (SAAZ) abviaściła ab zakančeńni režymu nadzvyčajnaha stanovišča, uviedzienaha ŭ lutym paśla ŭspyški virusa Zika. Pra heta paviedamlaje ahienctva Reuters, spasyłajučysia na zajavu SAAZ.
«My nie panižajem značnaści virusa Zika, ale źmiaščajem jaho ŭ prahramu bolš doŭhaterminovaj pracy. My razumiejem, što Zika nikudy nie dzieniecca», — cytuje pradstaŭnika SAAZ ahienctva Reuters.
Virus Zika vyjaŭleny ŭ 65 krainach śvietu. Prykładna ŭ 80% infikavanych chvaroba nijak siabie nie vyjaŭlaje, što mocna ŭskładniaje svoječasovuju dyjahnostyku.
Virus Zika niebiaśpiečny ŭ asnoŭnym dla ciažarnych žančyn, jon vyklikaje sindrom mikracefalii: dzieci naradžajucca ź vielmi maleńkimi hałovami i čaściakom z defiektami raźvićcia mozhu.
U pieršuju čarhu ad virusa paciarpieli krainy Łacinskaj Amieryki. U Brazilii jon užo pryvioŭ da surjoznaha rostu kolkaści dziaciej, narodžanych ź mikracefalijaj.
Vakcyny ad virusa pakul nie isnuje.