U Vasilevičach pry abvale ściany zahinuli dvoje rabočych
19 listapada prykładna ŭ 11.15 u Vasilevičach (Rečycki rajon, Homielskaja vobłaść) zahinuli dvoje mužčyn pry abvale ściany budynka.
Jak paviedamili BiełaPAN u pres-słužbie Homielskaha abłasnoha ŭpraŭleńnia MNS, supracoŭniki filijała «Homielenierhabud» u składzie bryhady z šaści čałaviek pracavali ŭ Vasilevičach na vulicy Śviardłova pa ŭmacavańni padmurka budynka.
Abvaliłasia bakavaja cahlanaja ściana, pad abłomkami apynulisia dva čałavieki, ich vyratavać nie ŭdałosia. Zahinułyja — žychary Mazyra 1958 i 1967 hoda naradžeńnia.
Na miescy trahiedyi pracuje śledča-apieratyŭnaja hrupa.