MTS papiaredžvaje abanenta pra adkaznaść za karystańnie «šerym» telefonam
Abo za vałodańnie telefonnym aparatam sa źmienienym identyfikacyjnym numaram.
«U Respublicy Biełaruś płanujecca ŭviadzieńnie adkaznaści abanienta ŭ vypadku vykarystańnia imi, u metach atrymańnia pasłuh suviazi, telefonnaha aparata sa źmienienym identyfikacyjnym numaram (IMEI) albo telefonnaha aparata, identyfikacyjny numar jakoha zaniesieny ŭ bazu vykradzienych albo nielehalna ŭviezienych u Respubliku Biełaruś telefonnych aparataŭ».
Ab hetym z 1 lipienia STAA «Mabilnyja TeleSistemy» infarmuje abanientaŭ pry zaklučeńni dahavora na akazańnie pasłuh suviazi. Infarmavańnie viadziecca ŭ metach vykanańnia pradstaŭleńnia Hienieralnaj prakuratury ad 19.06.2008 №1602‑04d‑300.
Jak havorycca ŭ zajavie Hienieralnaj prakuratury, «vyniki rasśledavańnia kryminalnych spraŭ i apieratyŭna‑vyšukovych mierapryjemstvaŭ śviedčać ab tym, što złačyncami ŭsio čaściej naŭmysna vykarystoŭvajucca vykradzienyja raniej srodki mabilnaj suviazi sa źmienienymi identyfikacyjnymi numarami…
Hienieralnaja prakuratura Respubliki Biełaruś źviartaje ŭvahu ŭsich karystalnikaŭ mabilnaj suviazi na mahčymyja niehatyŭnyja vyniki nabyćcia mabilnych telefonaŭ z parušeńniem dziejučych praviłaŭ».
STAA «Mabilnyja TeleSistemy» rekamienduje abanientam ździajśniać nabyćcio, ramont i servisnaje absłuhoŭvańnie telefonaŭ u aŭtaryzavanych servisnych centrach i arhanizacyjach, jakija majuć adpaviednyja licenzii. Heta vyklučyć vierahodnaść karystańnia telefonami sa źmienienymi identyfikacyjnymi numarami.