Italjanskaja sučasnaść u Biełarusi
U Miensku, u Muzei sučasnaha vyjaŭlenčaha mastactva, adčyniłasia vystava italjanskich mastakoŭ.
Na vystavie «Adnosiny ŭ mastactvie» pradstaŭleny raboty Čezare Kasone, Maryi Kancervy, Umberta Kołapinty i Mimo de Fieliče.
Usie jany źjaŭlajucca pradstaŭnikami sučasnaha fihuratyŭnaha italjanskaha mastactva, nadajuć šmat uvahi nia tolki svabodnym stylistyčnym pošukam, ale taksama rehijanalnym temam, kalorystyčnym eksperymientam, — ličyć mastactvaznaŭca Michaś Barazna.
Pieršaja vystava Mimo de Fieliče adbyłasia ŭ hetym ža muzei ŭ 2002 h. Tady mastak ułasna i raskryŭ svaju rehijanalnuju temu dla biełaruskich naviednikaŭ upieršyniu — karciny byli pryśviečany krajavidam i ludziam jaho rodnaha miastečka Albarabeła.
Ciapier jon vystaŭlajecca ŭ Miensku razam ź siabrami — mastakami, a na jaho karcinach prysutničajuć nia tolki viaskovyja, ale i urbanistyčnyja matyvy. Karciny sieryi «Kadar» — «Metro» i «Fabryčnyja vulicy» — adkryvajuć našamu zroku niazvykłyja industryjalnyja krajavidy.
Nazvami niekatorych karcinaŭ možna akreślić mastactva siabroŭ Mimo de Fieliče: «Emocyi» (Umberta Kołapinta), «Abstrakcyja» (Čezare Kasone).
Maryja Kancerva pradstaŭlena na vystavie bolš ścisła, čym jaje kalehi pa pendzalu, ale tvorčaść mastački śviedčyć pra jaje vopytnaść.
Michaś Barazna, jaki vystupiŭ na adkryćci mienskaj vystavy jak znaŭca, źviarnuŭ uvahu prysutnych na važnaść mastackaha abmienu.
«Biez abmienu niama raźvićcia», — skazaŭ Barazna.
U hety ž dzień italjanskija mastaki adčyniajuć takuju ž vystavu — «Adnosiny ŭ mastactvie» — na ziamli svajoj eŭrapejskaj radzimy.
Vystava adčyniena da 20 lipienia.