Na Dzień vyzvaleńnia da +27°C, u Dzień niezaležnaści ZŠA pachaładaje
Prahnoz nadvorja ŭ Biełarusi na 3—5 lipienia.
Nočču biez apadkaŭ, dniom miescami pa Viciebskaj, Mahiloŭskaj i paŭnočna‑ŭschodniaj pałovie Minskaj abłaściej karotkačasovyja daždžy, u asobnych rajonach navalnicy. Viecier paŭnočna‑zachodni, 4—9 m/s, pry navalnicach paryvy da 14 m/s. Tempieratura pavietra nočču +9—15°C, dniom +20—25°C, na paŭdniovym zachadzie da +27°C.
U Minsku 3 lipienia pieramiennaja vobłačnaść. Nočču i bolšuju častku dnia pieravažna biez apadkaŭ, tolki ŭviečary mahčymy nievialiki karotkačasovy doždž. Viecier paŭnočna‑zachodni, 4—9 m/s. Tempieratura pavietra nočču +12—14°C, dniom +22—24°C.
U nastupnyja dvoje sutak, 4 i 5 lipienia, sinoptyki prahnazujuć vobłačnaje z prajaśnieńniami nadvor\je. Nočču miescami, dniom na bolšaj častcy terytoryi krainy karotkačasovyja daždžy, u asobnych rajonach navalnicy. Viecier 4 lipienia niaŭstojlivy, 4—9 m/s, pry navalnicach paryvy da 14 m/s; 5 lipienia — paŭnočny, 6—11 m/s, paryvy da 14 m/s, dniom pry navalnicach uzmacnieńnie da 15—18 m/s. Tempieratura pavietra nočču +9—15°C, dniom +17—24°C.
U Minsku 4 lipienia vobłačna z prajaśnieńniami, karotkačasovyja daždžy. Viecier niaŭstojlivy, 4—9 m/s. Tempieratura pavietra nočču +10—12°C, dniom +17—19°C.