12-hadovaje dzicia pasprabavała zładzić terakt na kirmašy ŭ Hiermanii
Dvanaccacihadovy chłopčyk sprabavaŭ zładzić terakt na Kaladnym kirmašy ŭ horadzie Ludvihschafien-na-Rejnie, raźmieščanym na zachadzie Hiermanii.
Pa dadzienych Der Spiegel, jon dvojčy sprabavaŭ pryvieści ŭ dziejańnie samarobnuju vybuchovuju pryładu, načynienuju mietaličnymi elemientami, adnak detanatar nie spracavaŭ.
Focus, u svaju čarhu, dakładvaje, što terakt sprabavaŭ zładzić uradženiec Ludvihschafien irackaha pachodžańnia. Chłopčyk, pa dadzienych krynic vydańnia, znachodziŭsia pad mocnym upłyvam bajevika z «Isłamskaj dziaržavy», asoba jakoha pakul nie vyśvietlena.
Uletku 2016 hoda, raspaviali krynicy vydańnia, jon sprabavaŭ biehčy ŭ Siryju, kab dałučycca da ID.
Aficyjnyja pradstaŭniki prakuratury paćvierdzili Der Spiegel fakt rasśledavańnia spravy ab sprobie zładzić terakt na kirmašy ŭ Ludvihschafienie, adnak nie stali raskryvać nijakich padrabiaznaściaŭ spravy.
Publikujecca ŭ miežach śpiecyjalnaj rubryki «Naviny Hiermanii»