Maładafrontaŭca sa ściahami zatrymali ŭ Zajamačnym, a adpuścili pad Sienicaj
16 śniežnia aktyvist Siarhiej Palčeŭski byŭ zatrymany ŭ vioscy Zajamačnaje Mienskaha rajonu. Pra heta paviedamiŭ lidar «Maładoha frontu» Źmicier Daškievič.
«Zatrymali ŭ vioscy, dzie my šyli ściahi, tam tkanina była. Heta dom maich svajakoŭ, ja byŭ tam peŭny čas prapisany. Spačatku jany łamanulisia ŭ dźviery, paprasili zapałak, nakinulisia i potym skrucili. Skazali, što nibyta pastupiŭ syhnał pra rabunak. Čamuści kanfiskavali ŭsiu tkaninu, ściahi», — raspavioŭ Daškievič.
Paśla hetaha Siarhieja Palčeŭskaha zavieźli ŭ pastarunak u inšym baku Mienskaha rajonu, a potym adpuścili pad Sienicaj.
«Ja dumaju, što čekisty šalejuć, nia viedajuć, što im rabić. My 8 śniežnia vyviesili ściahi biez zatrymańniaŭ. Šyny parezali, my sabrali praktyčna ŭ čatyry razy bolš hrošaj, čym treba, na ściahi i novyja koły dla aŭtamabila Palčeŭskaha,parezanyja napiaredadni akcyi. Pracujuć pa staroj schiemie — mordaj u śnieh i ŭsio kanfiskavać», — skazaŭ Źmicier Daškievič.
Zbor srodkaŭ byŭ abvieščany 8 śniežnia, paśla akcyi ŭ honar 25-hodździa raspadu SSSR. Tady aktyvisty vyviesili ŭ centry Miensku 25 bieł-čyrvona-biełych ściahoŭ. Praz tydzień paśla startu kampanii «Na koły i ściahi!» sabranaja suma pieravysiła 700 dalaraŭ.
Źmicier Daškievič abiacaŭ, što kali hrošy źbiarucca, to na nastupnaj akcyi «Małady front» vyviesić 200 ściahoŭ.