Školny aŭtobus źbiŭ žančynu ŭ Kobrynskim rajonie
Niaščasny vypadak adbyŭsia siońnia ranicaj u vioscy Korčycy, paviedamili ŭ UDAI UUS Bresckaha abłvykankama.
Pavodle papiaredniaj infarmacyi, kala 7.20 školny aŭtobus marki «PAZ 3205 A1» pad kiravańniem 54-hadovaha žychara Kobryna ruchaŭsia pa vuł. Pieramohi ŭ kirunku aŭtadarohi R127 Kobryn-Dzivin. Nasuprać zierniesušylnaha kompleksu kiroŭca ŭčyniŭ najezd na 64-hadovuju žycharku vioski Małyja Korčycy, jakaja ruchałasia ŭ spadarožnym kirunku pa krai prajeznaj častki darohi.
U vyniku najezdu žančyna atrymała ciažkija traŭmy i špitalizavanaja ŭ Kobrynskuju centralnuju rajonnuju balnicu. Vyjaŭlena, što paciarpiełaja nie była paznačanaja śviatłoadbiŭnymi elemientami. U momant avaryi aŭtobus ažyćciaŭlaŭ padvoz dziaciej da ŭstanovy adukacyi.
Pa fakcie DTZ pravodzicca pravierka.