Nacahienctva pa turyźmie Biełarusi vydała kalandar sa skandalnym fota
Adna z samych znakamitych u krainie fatahrafij upryhožyła kvartalnyja kalendary Nacyjanalnaha ahienctva pa turyźmie na 2017 hod.
Nacyjanalnaje ahienctva pa turyźmie Biełarusi vydała kvartalny kalandar z vykarystańniem fatahrafii viadomaha biełaruskaha błohiera Antona Matolki. Niekalki miesiacaŭ tamu zdymak vyklikaŭ hramadski rezanans, jaki ŭźniaŭ prablemu aŭtarskaha prava ŭ krainie. Tady fatahrafija była vykarystana ŭ telesiužecie kanała «Biełaruś-1» biez ukazańnia aŭtara i bieź jaho zhody na heta. Jak nam raspaviali ŭ Nacyjanalnym ahienctvie pa turyźmie Biełarusi, usie pytańni aŭtarskaha prava na vykarystańnie fota ŭ kvartalnych kalendarach byli vyrašany aficyjna damovaj z aŭtaram.
Anastasija Šatkievič, adździeł infarmacyjnaha zabieśpiačeńnia Nacyjanalnaha ahienctva pa turyźmie:
«Heta jarki fotazdymak z vyjavaj nietypovaj dla našaj krainy źjavy — paŭnočnaha źziańnia. My padumali, što heta cikavy vobraz, jaki simvalizuje niešta novaje i niestandartnaje dla našaj krainy, a mienavita takija paniaćci my časta vykarystoŭvajem adnosna taho, što adbyvajecca ŭ našym turyźmie. Adkryvajucca novyja miescy, źjaŭlajucca niestandartnyja idei, biełaruski turyzm pačaŭ aktyŭničać — i heta dobry trend. Kalandar vyjšaŭ jarkim i, spadziajomsia, zapaminalnym. 2017 hod u turyźmie budzie taki ž — my ŭ hetym upeŭnieny».
Anton Matolka, fatohraf, błohier:
«Paru miesiacaŭ tamu mnie patelefanavali, spytali, ci možna vykarystoŭvać fota dla kalendaroŭ. Ale nie prosta vykarystoŭvać, a mienavita kupić. Ja vielmi ŭzradavaŭsia, što dziaržaŭnaja ŭstanova nie prosta ŭziała i vykarystała malunak, jak heta byvaje ŭ Biełarusi, a zrabiła heta pravilna — pa damoŭlenaści z aŭtaram. Na samaj spravie, byŭ hatovy addać i biaspłatna, ale sam padychod pryjemna ździviŭ. Užo bačyŭ u drukavanym varyjancie — dobra vyjšła».