Staŭki adzinaha padatku dla IP i fizičnych asobaŭ u Minsku pavialičanyja na 12%
Staŭki adzinaha padatku dla indyvidualnych pradprymalnikaŭ i fizičnych asobaŭ u Minsku pavialičanyja ŭ siarednim na 12%.
Adpaviednaje rašeńnie 21 śniežnia zaćvierdziła siesija Minharsavieta. Papiaredni raz staŭki adzinaha padatku dla IP i fizasobaŭ u stalicy byli pavialičanyja ŭ kancy sakavika 2016-ha, u siarednim jany tady vyraśli na 15%.
BIEŁTA infarmuje, što ŭ Minsku zarehistravana bolš za 70 tysiač IP, ź ich 14,6 tysiačy (20%) — płacielščyki adzinaha padatku.
U śpis handlovych abjektaŭ, dzie staŭki adzinaha padatku pavialičyli na 10%, patrapili HC «Skała» i «Halileo». U śpis tych, dla kaho staŭki źmienšyli na 10%, uklučanyja HC «Kupałaŭski» i «Ščaście».