Sud nad Uładzimiram Kondrusiem praciahniecca 26 śniežnia
Pravaabaroncam stała viadoma, što razhlad kryminalnaj spravy ŭdzielnika Płoščy -2010 Uładzimira Kondrusia praciahniecca ŭ sudzie Maskoŭskaha rajona Minska 26 śniežnia. Pačatak u 10:30, piša spring96.org
Sudovy praces nad palitviaźniem Uładzimiram Kondrusiem, jakoha amal praz šeść hadoŭ sudziać za ŭdzieł u masavych biesparadkach padčas Płoščy-2010, raspačaŭsia 16 listapada. Adnak paśla taho, jak u zale suda Kondruś pasprabavaŭ uskryć sabie vieny, było vyrašana adpravić padsudnaha na kompleksnuju psichołaha-psichijatryčnuju ekśpiertyzu.
Nahadajem, zatrymali Kondrusia 14 červienia hetaha hodu ŭ miežach papiaredniaha rasśledvańnia. Paśla jon znachodziŭsia ŭ SIZA №1 Minska, dzie trymaŭ haładoŭku.
Pravaabaroncy pryznali Uładzimira Kondrusia palityčnym źniavolenym.
«Pa niekatorych źviestkach, sud nad synam moža praciahnucca na nastupnym tydni — 26 śniežnia,— kaža Halina Vasiljeŭna, maci Kondrusia. — Sudździa, jakaja viadzie hety sudovy praces, była ŭ adpačynku, ale zaraz užo vyjšła na pracu. Tamu, miarkuju, sud nasamreč praciahniecca ŭ bližejšyja dni».
Jak viadoma, Uładzimir Kondruś prajšoŭ kompleksnuju psichołaha-psichijatryčnuju ekśpiertyzu, ale pra jaje vyniki pakul nie paviedamlajecca.